為食mui的大吃愛甜園地

其實唔止疏於寫食評同BLOG, 連整野食都少左, 因為而家週日都出多左街(要藉口嗎?) 其實呢個餅仔唔係自己存儲開的食譜找的, 而是某日去書店打書釘揭左本曲奇食譜, 見到這麼可愛的熊貓樣, 馬上被吸引著. 盡腦力記住D步驟。

因翌日都會出外, 所以預早於週六晚整好造型, 咁第二朝可以焗好就走, 慳返d時間嘛! 都有心理準備要花多點時間砌好個貓樣, 主要都係拯好兩種色的粉糰, 手、腳、耳仔、眼和鼻都用朱古力味的粉糰, 搓成長條狀, 再和原味的接合。 上身和下身要分開做, 先做上身, 之後放入雪櫃固定後, 再和下身連接, 我就雪過夜, 第二日切厚片入焗爐啦!

到左關鍵時刻, 切開個一下好緊張, 怕會破相又或者歪口歪面, 幸好都算似樣, 認得返個貓樣, 但如果再改善的話, 下身會做大少少, 而家有點上重下輕, 接合時都留意扭動一下平衡一點。

  
準備入爐了
一心以為只係焗的時間不會花太多, 但切時要小心翼翼, 又要再加工一下, 結果都用多左時間, 但見到成品都幾cutie, 要費點功夫都值得呢!

包好哂帶返去俾同事, 大家都好開心, 仲post左係facebook, 對我來說都很窩心。


因無落杏仁粉, 質感無沙沙的感覺, 算結實但又不是硬脆, 都好滿意